كلمات اغنية أبشر بعزك
كلمات أغنية أبشر بعزك للمغني ماجد المهندس
يالعــزيــز اللي نويت تعــز نفســك عنّــي
بعد ما عـَــزّك خفـــوقي وبعـد ما عزّيتــك
إبشـر بعـزك حبيبـــي لجــل تعــرف إنــّي
مثل ما لبّيـت وصـــلك في الجفـــا لبّيتـــك
يا حبيبي انت تامـــر قـــبل تطلـــب منـّـي
كيـف لا.. وانتَ علــى كل البشـــر بدّيتــك
ما أردك قـــــــرب والاّ بـُعــــد يا مجننـــي
لو على روحــي تأشـِّـر والله ما ردّيـتــــك…
طاعتك واجـب على قلبــي وعلــيَّ لنـّــي
مثل ما تبغي حبيبــي في المحـــبه جيتــك
حسن ظنك في محله ولا اختلف بك ظنـي
راح احقـــق أمنيــــاتـــك كثر ما تمنيتـــك
عشت انا السبع السـمان اللي معاك وكني
ببدأ السبع العجاف .. وغنوتـي: (حبيتك)
المهـــم انــك حبيبـــي عايــش ومتهنـــي
والاّ انا بامــوت من بعــــدك ولا ناديـتـــك ..
جرحــك الغــــالي بنزفه من جفـــاك يغني
منْه حنّ اطرافــــك التـــــرفه إذا لاقيتـــك
لا تقل للناس جرحي.. قل لهـــم متحنــِّــي
قل لهـــــم اني بدمــي يالغــــلا حنـّـيتــــك
يالعــزيــز اللي نويت تعــز نفســك عنّــي
بعد ما عـَــزّك خفـــوقي وبعـد ما عزّيتــك
إبشـر بعـزك حبيبـــي لجــل تعــرف إنــّي
مثل ما لبّيـت وصـــلك في الجفـــا لبّيتـــك.