كلمات اغنية الوقت بيسرقنا
كلمات اغنية الوقت بيسرقنا للمغنية دنيا سمير غانم
بنعيش والوقت بيسرقنا وبنمشى ونسرح فى طريقنا
والايام اللى بتجمعنا ممكن فى ثوانى تفرقنا
ساعات الدنيا بتلهينا عن اغلى واقرب ناس لينا
مبنحسش بقيمه الحاجه الا لما تروح
وكان فى صوت بيصرخ فينا واحنا مابنسمعش
ونندم على اللى ضاعو وراحو وقلبى ده مجروح
ياريت الوقت يرجع بينا بس مبيرجعش
زمان كانوا هنا بيننا وحوالينا واللقى مسموح
ودلوقتى ومهما بكينا اللقى مينفعش
قرب من كل اللى حاببهم شيل عنهم خوفهم وتعبهم
يمكن يسيبوك هما الاول او يمكن انت اللى تسيبهم
على قد ما تقدر فرحهم بصلهم واحفظ ملامحهم
هيجيلك يوم فيه تتمنى لو حتى فى نومك تلمحهم
