كلمات اغنية حسك وجودي

كلمات اغنية حسك وجودي للمغني راشد الماجد

حِسّك وجودي وإنتي بالدنيا عندي
وإنتي في قلبي الأولى وإنتي الأخيرة
وهالحب لو ينـشاف وآبـوح سَـدّي
شفتي من الإحساس ما يكفي ديرة

وْيا عايـشـة بقلبي أنـا الـود ودّي
روحي أقـدّمهـا لـعيـنـك أسـيـرة

أشهد وْهذي الخيرة لا قالو خيرة

إحساس أرقى من الغرام
مو حُب عادي والسلام
الله يِــعْـلَـم وشكثِر …
شايل لك بقلبي كلام

كل شي بك ينحب .. طيب و تحدّي
هبية و شموخ و رُوح واشيا كثيرة
مدري وش اوصِف فيك ولاّ شَعَدّي
وْكلّك على بعضِك يا إنتي مثـيـرة

حَصّنـتـك بْـقلبي واحاسيس وِدّي
بِسم اللي خالق زينك وْ نستخيره
زينك هذاك اللي إنخلق للتِـفِدّي
أفداه أنا وْ يـفـداه غيـري وغيـره

إحساس أرقى من الغرام
مو حُب عادي والسلام
الله يِــعْـلَـم وشكثِر …
شايل لك بقلبي كلام

بك يا سَعَد عين ٍ تـراك وْ ياسِعدي
وَجهِك صباحي العذب وإحساسي طيره
وش قَد أحبّك .. مدري بس إنتي عِدّي
حُبّك فضا وْ يجري في دمّي أثـيـره

كل حاجة منّك حلوة ع القلب عندي
حتى التـفـاصيل البسيطة كبيـرة
إلاّ غـيـابك يـقـلِب الفرحـة ضدّي
ويْخلّي هالدنيـا في عيني صغيـرة

شارك كلمات الأغنية

راشد الماجد

اغنية حسك وجودي

اعلان