كلمات اغنية فرعون
كلمات اغنية فرعون للمغني مروان موسى
أول ما الحكم ما بيصفّر
في خدودَك الدنيا بتمطر
لما بطلع موبايلي
كل الشباب بتتوتّر
كل الشباب بتتخابث
باخلص معاكو وأقوم لابس
باوصل الربح للهامش
إنت في المركز الخامس
مش باحاول أذيكي
دا كان فاول تكتيكي
شد فرامل إليد
البي إم ألماني
التخميسة أمريكي
أبيضاني أفريقي
جلدي لون لافاش كيري
يسطا إنت كليشيه
يسطا إنت تقليدي
بلعب كورس مع صحابي في نادي النورس
بستخبي عشان عليّا العين زي حورس
هرجع في آلة الزمن وهنشر الراب في التاريخ (جوا التاريخ)
على أيام الفراعنة فين توت عنخ آمون ورمسيس
لما الأقيهم هقولهم لو دكورة إنزلوا بيف (لو راجل)
طبعا هيوافقوا عشان ما يتقالش دا جوز كساكيس
هبدأ الباتل بوورد بلاي احطّهم في الكيس
هقول لرمسيس، ياسطا إنت سيس
إدّي الورد بلاي التاني على طول
هقول لأ مش عطشان، مش عايز أشرب توت آند لامون
هكسب البيف
كدا هبقى أنا فرعون (بلوبيف)
كدا مسألة في الجون
هنزّل كذا ألبوم
ومهمن كان اللون هحقق أعلى إيرادات في الكون (غزو)
هخترع التليفون وهسمّي شبكتي فودافرعون
مع كارت أمون من فودافرعون
إشحن وإنت مطمن
بس يا عم طلعت بجم
كدا أجيلك على السكن
بجري على البيت زي ميسي
إنت بتجري على البيت زي الحكم
بيتزا على البيت
بدماغكو لفّيت
شبيك ولبيك
عليّا الطلاق إتخضيت
على الأغاني بتدرب
هنا في الديسكو أنا مبلّط
مارو مش عارف أوصل لك
أيوة ما لازم تتسلق
أيوة الموضوع مش بسهولة
خلّص بس سنة أولى
سقطت تاني
لأ لأ لأ، مش معقولة
كلامي عالي عالي أيوة فوق إدراكك
ما تحاولش تفهمه ممكن تخلص بإصابة
الشباب دا زي الورد غرّقته في الفازة
أقول له مين؟ ما تخافش قول له بابا
شايفك بتعاني وفي كل بوستاتك بتقول أنا عادي
بس إنت متضايق
وواضح إن إنت كواحد مبتدئ محتاج لدعاوي
فأنا باقول لك أهوه ما تعيطش
بتصوت عشان الواي فاي ما لقطش
هكسّر التاتش
وأقفل لك الماتش
وأشتمك باللفظ
من غير لا مؤاخص
ماريو شركة إنتاج
كليب في ساحل العاج
مُزّتين جنب بعض
زي إسمي والتاج
على طول فيش لاج
مش مطلوب فيدباك
جنبي نجمتين شباك
بيسمّوني كيباد
ثانية كدا بس عشان أفهم
لو إنت رذيل أنا أرخم
جوا دماغي دا منجم
منجم، منجم
ثانية كدا بس عشان أفهم
لو إنت رذيل أنا أرخم
جوا دماغي دا منجم
منجم، منجم
عمري ما كسّلت في رابع بار
إعتبرني تامن جار
بس ما بدفعش إيجار
حماقي على الشر أنا ناوي
على الفلاشة بلاوي
أنا بتصرف لوحدي
إنت بتكلّم ببلاوي
لابد أن تجاوبُني
هو إنت بجد ليه ودِني
خلاص معلش أهو c’est la vie
دماغه حلوه بس لعبي
كالعادة بتناموا في الحلبة
وبتقولوا جات بالحظ
بعتبر الكورة دي ورقة
بحطّها في المقص
شاف أنيابي لما بص
آه يا عيني على الرص
توم جري ورا جيري
فا جيري أخد منه فص
ثانية كدا بس عشان أفهم
لو إنت رذيل أنا أرخم
جوا دماغي دا منجم
منجم، منجم
ثانية كدا بس عشان أفهم
لو إنت رذيل أنا أرخم
جوا دماغي دا منجم
منجم، منجم
