كلمات اغنية مكتوب عجبينك بطل
كلمات اغنية مكتوب عجبينك بطل للمغنية ميس شلش
مكتوب ع جبينك بطل .. يا ساكن الزنازين
مهما جرى ومهما حصل .. كله فدى فلسطيييين
بعرف اهانوا وعذبوا .. باعوا الكرامة وأرهبوا .. ثيابك بدمك خضبوه
ما في شرف أو دين .. ما في شرف أو دييييين
صوت السلاسل بالسجن .. ما أتعسه من صوت
لما العدو بيمتحن .. صبرك ييجي بالموت
لا تفتكر قلبي معك .. مع كل آه بسمعك .. بدعي إلهي يرجعك
يا ربي يا جبار .. يا ربي يا جباااار
والجفن غارق في البكا .. ودموعي ما بتنذل
والكل قاعد متكي .. يا حسرتي عالكل
لا تذرف دموعك بعد .. رح ظل حدك ع الوعد .. لو كل هالعالم بعد
صوتي بارود وناار .. صوتي بارود ونااااار
لما يا إمي تكبلت .. رميوني خلف السور
كأس المذلة تجرعت .. صار القلب مقهور
من دون رحمة تعاملوا .. شلوا قواي وعطلوه
كم مرة أكلي أجلوه .. ساعات ليل نهار .. ساعات ليل نهاااار
ومن المرض قلبي انكوى .. ما في ع مشفى نروح
حرموا جروحي من الدوا .. ما أصبرك يا روووح
حبس انفرادي مسكني .. متر بمتر بيتي الهني
يا ربي لأهلي ردني .. يشرق علي نهار .. يشرق علي نهاااار
حلمي حياتي أتصل .. أحكي مع هالناس
عن كل شعبي منفصل .. وضعي صعب حساس
مشتاق لنور الشمس .. مشتاق ما أحكي بهمس
مشتاق شوفك يا قدس .. يا قبلة الأطهار .. يا قبلة الأطهاااار
يا ربي منعوني الصلاة .. منعوا إلك أركع
وإنت اللي عارف بالبلا .. شكواي عم تسمع
ممنوع بدل ملبسي .. ممنوع أعدل مجلسي
يا بومة الظلم اخرسي .. جايينك الثوار .. جايينك الثوااااار
يا مغتصب أرضي اعترف .. اللي نريده يصير
من الأسرى حررنا ألف .. وحنكمل التحرير
عزم الفلسطيني انتصر .. والقيد من إيده انكسر
مبروك يا كل الأُسر .. ما انتهى المشوار .. وما انتهى المشواااار
لا تلوم حكام العرب .. كل العرب نايمين
ع مين رح أبدي العتب .. باللي جرى ع مييين
صوت العروبة ما انسمع .. ما في جفن حن ودمع
يا ناس يا أهل الجمع .. جمعة وفاء الأحرار .. جمعة وفاء الأحرار
كله فدى فلسطين .. كله فدى فلسطيييييين
