كلمات اغنية مليون عام

كلمات اغنية مليون عام للمغني عبد المجيد عبد الله

أنا سكوتي ذهب يوم القصايد كلام
أهز بيض الورق ويطيح منها قصيد
حركت غصن المشاعر لين طار المنام
ومرت طيوفك وسرتني لدرب بعيد

تعال يا حب أعيشك حب مليون عام
تعال واسكن حبيبك كل عرق ووريد
يا أعذب من الماء وأرق من الندى والغمام
حرام اظمأ غلاتك وانت للقلب سيد

أنا عشقتك بداية وانا نجم بسماك
يا أول الحب وانت يا القديم الجديد
سولف تفاصيل حبك وانا كلي غرام
كل ما انتهت سالفة قلت بالله عيد

تعال يا حب أعيشك حب مليون عام
تعال واسكن حبيبك كل عرق ووريد
انا خفوقي بقربك مرتوي ما يظام
انا أرتوي بك محبة وقلت بالله زيد

تموج بي المشاعر لين بحر الهيام
ودي أسافرك وأرحل بك لعالم بعيد
يا أصدق الناس في دنيا كلام وزحام
ودي أعيشك في دنيا وانت فيني وحيد

تعال يا حب أعيشك حب مليون عام
تعال واسكن حبيبك كل عرق ووريد
لو المحبة تجي برماح وسهام
أعيش بتراب حبك واندفن به شهيد

شارك كلمات الأغنية

عبد المجيد عبد الله 

اغنية مليون عام

اعلان