كلمات اغنية منوة القلب
كلمات اغنية منوة القلب للمغنية فاطمة زهرة العين وروضه
يا شوق لا تتعب خفوقي
وانا احتري موعد وصوله
ما غيره لقلبي يلوقي
فيه الحلا بازهى فصوله
قلبي على عيني شفوقي
دمعي يبالغ في نزوله
يا منوة القلب الصدوقي
ليت اللقى قلبي ينوله
يسبق على قلبي سبوقي
كنه ولا في حد حوله
لا من قبل تبرق بروقي
وازهار تتفتح خجوله
ارقى من افكاري وذوقي
وكل المحاسن يمثلوله
كلٍ يطالبه بحقوقي
يرجون من زينه عموله
تجرين في دمي وعروقي
غلاك عندي من يطوله
غيرك غلاهم في نفوقي
مده وثم الله يزوله
سبحان يا كثر الفروقي
ما بينكم فجوه مهولة
الزين فيك انتي يفوقي
واخلاق يابنت الحموله
الوقت من قبلك سروقي
يمضي وكن الحول حوله
واليوم ساكن ما يفوقي
كانه يعاملني بطفوله
الشوق زيّد من حروقي
والقلب يتعب من فعوله
ليتك مع شمس الشروقي
تاتين في يسر وسهوله
