كلمات اغنية هطير من تاني
كلمات اغنية هطير من تاني للمغني حمزة نمرة
كان قلبي يومها ضايع
بيدّور في الشوارع
نفسه يلقي النور
عاجز وحقيقي حاسس
إنه مهزوم ويائس
طير بجناح مكسور
وناديتني ف عز ّهمي
قوتني وشيلت عني
نسيتني طعم الخوف
قولت لي أنا لسه جنبك
افتح لي بس قلبك
صدقني وانت تشوف
أحلم لبعيد واخداني
ما بقاش فيه حدود مانعاني
إحساسي بيك قواني
أنا كنت ساعتها خايف
وخلص ما بقيتش شايف
أي أمل موجود
مش قادر أقوم وأكمل
في متاهة ومهما باعمل
فيه ألف باب مسدود
لحظة ما بقيت معايا
اتغيرت الحكاية
رديت لي تاني الروح
مش مصدق عينيا
شايف في اللحظة دي
باب السما مفتوح
أحلم لبعيد واخداني
ما بقاش فيه حدود مانعاني
إحساسي بيك قواني
