كلمات اغنية يا قلبي يا خالي

كلمات اغنية يا قلبي يا خالي عبد الحليم حافظ مكتوبة

يا قلبى يا خالي جاوب عن سؤالي
مشغول من إيه وشاغلني ليه
ليه ليه ليه ليه ليه يا قلبي ليه

الدنيا فى عيني كانت حلوة إيه اللي زود حلاوتها
وإيه اللي خلاها غنوة وإيه اللي خلاك غنيتها
تفوت ع النور تقول مش نور وتعشق نور سواد العين
وييجي الليل تحب الليل وتنسى الفجر يوم واتنين
ليه ليه ليه ليه ليه يا قلبي ليه

يا قلبى يا خالي جاوب عن سؤالي
مشغول من إيه وشاغلني ليه
ليه ليه ليه ليه ليه يا قلبي ليه

مايكونش يا قلبي اللي بيجرى لغيرك هو اللي جرالك
ماتكونش قابلت عنيه مرة ومعادهم كان مش على بالك
بتنكر ليه شاورلي عليه أشوفه معاك وأروح وياك
تقاسي النار وأنا محتار وليه بتحرمني أقاسي معاك
ليه ليه ليه ليه ليه يا قلبي ليه

يا قلبى يا خالي جاوب عن سؤالي
مشغول من إيه وشاغلني ليه
ليه ليه ليه ليه ليه يا قلبي ليه

شارك كلمات الأغنية

عبد الحليم حافظ

البوم عبد الحليم حافظ

اعلان